4º mandadiño de entroido

O mandadiño de onte dicía... "O día 3 ven cun ollo tapado, e co teu parche serás o máis animado", así que hoxe trouxemos a cicatríz na cara, un pano na cabeza e un parche nun ollo. Agora si que temos claro que Manolo nos quere disfrazar de piratas! Chegamos encantados ó cole e presumindo de parche, pero... non sabemos como os piratas son capaces de aguantalo porque algo incómodo si que é... Mirade que xeitosiños viñemos hoxe...

3º mandadiño - Kizoa Movie Maker

Incluso nos achegamos a xunto Manolo, a ver que mandadiño tiña para mañá e cando chegamos... el tamén tiña unha cicatriz, un pano na cabeza e un parche nun ollo!!!

Para mañá, o mandadiño de Manolo dí así... "O día 4, para rematar os mandadiños, traerás un papagaio moi xeitosiño". Así que xa sabedes, mañá tedes que vir coa cicatríz, o pano na cabeza, o parche nun ollo e un papagaio. Había moitos patiños preocupados porque non tiñan papagaios de verdade na casa... pero non hai problema, pode ser de peluche, xoguete ou un debuxo pintado, amarrados no ombreiro. A ver se damos feito con tantas cousas!! Ata mañá!!